Napule e Milano

Ije nun capisco pecchè,
dint' 'o munno,
ce stanno paesi e città
ca stanno in eterna lotta,
ca nun se ponno vedè,
ca se schifano sulo a se numenà.

Pigliammo Napule e Milano:
chi dice «TERRUN!» a llà,
chi «POLENTONE!» a ccà
e nisciuno sape spiegà
'o pecchè e 'sta scimità.

'O nord dicene ca nuje simmo 'gnurante,
ca simmo marijuole,
e chi più ne ha più ne metta.

Nuje invece dicimmo 'e loro ca so' cattive,
ca so' 'nfamune e fetenti cu 'o core,
insomma ca penzeno sulo 'e fatte loro.

Ma nisciuno pò giudicà
nisciuno pò sapè
'e rragione 'e chi nun cunosce.

E allora 'sta storia addà fernì
primma ca nun se pò cchiù impedì.