Ma che sta succedenno?

Ma che sta succedenno a cheste parte,
ca 'a terra tremme e se sbatte
comme 'o mare 'ntempesta
quanno 'o viento 'o vatte?

Ccà se campa 'e paura,
se penza 'o futuro,
se penza a ddimane,
«E sì succede quaccosa?
E si se sceta 'o gigante?
A nuje che ce dummane?».

Nuje nun sapimmo niente,
pecchè nun ce 'o fanno sapè!

Ce dicene ca è cosa 'e poco,
ca nun è niente 'e serio,
accussì dicene,
ma cu quale criterio?

Giustamente loro penzano
ca nun se po' allarmà tanta gente
senza 'na certezza,
senza 'na sicurezza.

Ma 'nu poco 'e informazione?
'Nu poco 'e allenamento?
Ccà nun se vede niente!
Sì nun succede niente
ccà simmo proprio furtunate,
ma sì succede quaccosa,
'a verità?
Stammo proprio 'nguaiate.



N.B.: Questa poesia fa parte del progetto VESUVIUS 2000.