Penzieri ca me parleno

Quanno me sceto 'a matina
e me trase nu raggio 'e sole dint' 'a ll'uocchie,
me pare quase ca 'o cielo me dicesse buongiorno,
me pare quase ca 'o canto d'aucielle me dicesse
«Jamme! È 'nata juornata!».

E pure 'ncape 'a mme quaccosa se fa sentì,
è 'na voce ca me parte 'a 'nu saccio addò
è comme se m' 'o vulesse dì…
che cosa nun 'o saccio.

Sicuramente è 'a voce d' 'e penzieri miei
ca parlano e parlano ancora
e me danno l'indirizzo giusto pe' campà,
l'indirizzo 'e chesta vita.