Informativa
Questo sito o gli strumenti terzi da questo utilizzati si avvalgono di cookie necessari al funzionamento ed utili alle finalità illustrate nella cookie policy. Se vuoi saperne consulta la Cookie Policy. Proseguendo la navigazione acconsenti all’uso dei cookie.

Gente coraggiosa

Ogni juorno cu' 'a divisa 'ncuolla
e cu' 'a pistola dint' 'a sacca
aesceno lascianno 'e famiglie preoccupate,
cu 'na paura dint' 'o core,
pecchè mieza 'a via tutto pò succedere,
tutto pò capità.

Affrontanno chella gente
ca sbareano comme 'mbruglià,
comme fa' soldi senza faticà,
accirenno e 'nguanno 'e poveri cristi,
loro rischiano 'a vita ogni mumento,
ogni vota ca chella radio da' n'avviso
e tutte so' pronte pe' scattà.

Sentenno 'a televisione, 'o telegiornale
se parla 'e guagliune sparate
dint' 'a 'na rapina, dint' 'a n'agguato,
ma nun erano malamente,
nun erano delinquente,
stevene faticanno,
stevene servenno 'o Stato
tentanno 'e pulezzà 'stu munno fetente,
ca 'a tanta gente nun 'a mai dato niente.

Dopo qualche juorno 'e funerali,
'na bandiera tricolore e 'na parata militare
chiureno 'o discorso
e tanno se ne parla quanno succede 'nata vota.

Ogni juorno cu' 'a divisa 'ncuolla
e cu' 'a pistola dint' 'a sacca
aesceno lascianno 'e famiglie preoccupate,
cu 'na paura dint' 'o core,
pecchè miezza 'a via tutto pò succedere,
tutto pò capità.

Ma loro so' gente coraggiosa,
nun teneno 'o tiempo 'e penzà 'a paura
penzeno solamente 'e ajutà 'a chi n'ave bisogno
e cercheno sempre 'e truvà 'a verità.

Indietro

Newsletter
Iscriviti alla Newsletter per conoscere le novità del sito
Iscrivimi
Cancellami



Portafoglio
Tophost Hosting