Informativa
Questo sito o gli strumenti terzi da questo utilizzati si avvalgono di cookie necessari al funzionamento ed utili alle finalità illustrate nella cookie policy. Se vuoi saperne consulta la
Cookie Policy. Proseguendo la navigazione acconsenti all’uso dei cookie.
'Na vota sola
Te guardo, ma nun te pòzzo dicere
chello ca ‘stu core vulesse alluccà,
vulesse fa’ sapè a chi me sente,
a chi nun crede ca pòzzo vulè bbene.
Almeno ‘na vota vulesse truvà ‘o curaggio
‘e te chiammà, ‘e te guardà dint’ ‘a ll’uocchie
e dicere, sì è ‘o vero,
tutto ‘stu tiempo m’aggio accuvato
‘a rreto ‘a ‘nu muro,
‘nu muro ‘e ipocrisia, ‘e mentalità ‘ncatenata.
Sulo ‘na vota vulesse sentì ‘na parola toja
ca nun è detta pe’ pietà o pe’ pazzià,
ca nun me vede comme a chi è ‘o cumpagno.
Sulo ‘na vota vulesse capè comm’è ‘stu core,
comme se cumporta ‘nnanzo all’ammore.
Indietro