San Valentino

Chella vota all'anno
vide gente 'e tutte specie
ca se vasano, se fanno regali
e nun badano a spese

e accussì credene 'e se accattà ll'ammore,
senza sapè ca si se vo bene
se dice tutte 'e juorne, ma cu 'o core.

San Valentino avvessa essere
'a festa de' 'nnammurate,
ma pe' mme è sulo 'na 'mbrusata
pecchè si aspiette 'o mese 'e febbraio
pe' te arricurdà 'e tenè 'nu core
sì comm' 'o cane ca sente sulo ll'addore.

Chi sà quante 'e vuje saranno contro 'a mme!
E ije proprio 'a vuje 'o voglio sapè
'o significato 'e chesta festa,

ma che è 'na menesta
ca se mangia sulo a Natale?
O 'na lasagna
ca se fa' sempre a Carnevale?

Ammore se dà tutte 'e juorne
e no 'na vota all'anno.