Il dramma e lo squallore

Tutto assieme nun s'è capito niente cchiù,
duje squilli e po' allucche,
voce ‘e mamma spezzata d'o chianto,
‘nu momento ‘e terrore e ‘o core ca sbatteva.

Che brutte notizie so' chelle là!
‘Nu povero cristo truvato durmenno,
nun vuleva sta cchiù ccà
e mmò ‘ngoppa ‘a nuje sta pruvedenno.

Una botta è venuta fora pure ‘a cazzimma d'a gente,
‘a cattiveria e ‘a ‘nfamità,
vicino e luntano ‘e soldi so' sempe malamente
‘o detto mio è chistu ccà: 
«Il vero pezzente non è colui che non ha soldi,
ma è chi pure comprandosi tutto
non avrà mai la saggezza umana.».