'A sciorta

Chi ne tene tanta
e chi nun sape manco
addò sta 'e casa chesta signora
ca tutte quante dicene da vedè 'mbendata,
ma secondo me ce vede bbuono
pecchè va sempre 'a stessa parte
e ccà fosse 'na vota ca ce bbatte!

Ije so' nnato senza sciorta,
ma che ce pòzzo fa'?
Tanta gente comm' a mme
nun 'a tene e nun 'a tenarrà.

Ce sta chi spere e se cagnà 'a vita
jucanno 'na schedina o grattanno 'nu bbigletto
e chi invece 'o munno
'o pigle 'e pietto e pietto

e forse è proprio meglio chesta cosa,
pecchè si aspiette 'a sciorta
hai voglia 'e spettà!
E' cchiù facile ca vène 'a morta.

E ppure dicenno 'sti parole
saccio 'e dicere 'na bucìa
pecchè 'a speranza è ll'ultima a murì
e 'ncape a mme mille pruggette e fantasìa
già fanno cagnà chesta vita mia
e 'o sabato guardanno 'o "SuperEnalotto"
dico sempre: «Ohi lloco 'o vì,
chesta è 'a vota bbona ca faccio 'a botta!».