Ce so' caruto

Me arricordo quanno dicette basta
quanno capiette ca era inutile a penzà
ca ‘a vita mia se puteva cagnà.

Me credevo forte, cinico e superbo
chello ca serve pe' nun suffrì,
dicevo "Io so' meglio, nun me faccio ‘ngannà!".

E mmò che m'è succieso nun capisco,
tutto assieme aggio accumminciato a sunnà
l'inverosimile, chello ca mai putesse capità.

Addò sta ‘a forza mia?
Addò è juta chella capacità ‘e nun putè murì?
‘E vulesse nnata vota tutte ‘sti ccose
pecché nun songo io accussì.

‘A capa dice no,
‘o core dice sì,
è ‘na guerra fra doje forze contro a mme
e intanto ce so' caruto ‘mmiezo ‘a sta battaglia
ca lotta lotta, ma a niente po' purtà.