Stateve accorte

Quanno t'affacce 'a fenesta
e vide 'stu spettaculo ca Napule te dà
dice: «Comme so' ffurtunato a sta ccà!»
e quanno vide 'sta muntagna te ne annammure
e t' 'a ricuorde pure si a Napule e mancà.

Ma nun saje,
nun può sapè
'stu gigante che tene dint' 'o core
e chello ca nu juorno te pò ffà.

Pirciò, a tutte quante,
stateve accorte a 'stu 'mbruglione
ca 'nganna 'o core nuosto
cu parole doce
e cu tante smancerie,

pecchè sulo isso sape chello ca vo dì
e quanno 'o ddice
'o ddice bbuono
ca tutte quante hanna sentì.

Strillanno forte diciarrà:
«So' tturnato, stongo ccà!
Vuje crediveve che ero muorto,
e invece so' vivo!
E mo pruvate a me fermà!».

E tanno chi 'o pò fermà?
'Sta forza chi ci' 'a dà?

Pirciò, stateve accorte
a 'stu gigante
e nun ve facite 'mbruglià,
pecchè pe' colpa soja
'sta città
'na brutta fine 'a pò ffà.